Xəbər verdiyimiz kimi ölkə ərazisində yanvarın
16-dan 17-ə keçən gecədən başlayaraq 18-i gündüzədək gözlənilən ifrat təhlükəli
hidrometeoroloji hadisə ilə bağlı Ekologiya və Təbii Sərvətlər Nazirliyinin
aparatında və Milli Hidrometeorologiya Departamentində Qərargahlar yaradılıb,
Nazirliyin bütün qurumları səfərbər edilərək gücləndirilmiş iş rejiminə keçib.
Bu barədəXeberle.com-a Ekologiya və Təbii Sərvətlər Nazirliyinin Milli
Hidrometeorologiya Departamentindən məlumat verilib.
Bəs Sumqayıtda aidiyyatı
qurumlar hansı addımlar atıb?
Sumqayıt
Elektrik Şəbəkəsinin baş mühəndisi Arzuman İsmayılov Xeberle.com- a bildirdi ki, qurum
gücləndirilmiş iş rejimində çalışır:
"Artıq bütün işçi heyəti və müdüriyyət də daxil olmaqla
gücləndirilmiş iş rejiminə keçmişik. Bütün texniki vasitələrimiz 24 saatlıq iş
rejiminə keçib. Yaranacaq hər hansı qəzalı vəziyyətin tez bir zamanda aradan
qaldırılması üçün şəxsi heyətin bölgüsü aparılıb, çatışmayan material və
texniki vasitələrin sifarişi verilib.
İdarəmiz hərtərəfli olaraq hər
bir şəraitdə baş verə biləcək qəzaları aradan qaldırmağa tam hazırdır".
Sumqayıt
İcra Hakimiyyətindən isə Xeberle.com-a
verilən açıqlamada ümumilikdə bütün aidiyyati qurum və idarələrin ölkə
ərazisində yanvarın 16-dan 17-ə keçən gecədən başlayaraq 18-i gündüzədək
gözlənilən ifrat təhlükəli hidrometeoroloji hadisə ilə bağlı gücləndirilmiş iş
rejimində işləyəcəyi qeyd olunub.
Xədicə
Səxavətqızı
Xeberle.com
Xəbərdən istifadə edərkən istinad etmək vacibdir.
