Bu gün ermənilərin xalqımıza qarşı törətdikləri Xocalı soyqrımından 27 il ötür.
Xeberle.com-un məlumatına görə, Sumqayıtda Xocalı və onun ətraf kəndlərindən köçkün düşən 125 ailə, 484 nəfər yaşayır ki, onlardan 17 ailə şəhid ailəsidir.
Qeyd edək ki, 1992-ci ilin 26 fevral tarixində baş verən bu qanlı faciə zamanı 613 nəfər öldürülüb, 1000 nəfər müxtəlif yaşlı dinc sakin aldığı güllə yarasından əlil olub. 106 nəfər qadın, 63 azyaşlı uşaq, 70 qoca qətlə yetirilib. 8 ailə tamamilə məhv edilib, 25 uşaq hər iki valideynini, 130 uşaq isə valideynlərindən birini itirib. Faciə baş verən gecə 1275 nəfər dinc sakin əsir götürülüb ki, onlardan 150 nəfərin taleyi hələ də məlum deyil.
Xəbərdən istifadə edərkən istinad etmək vacibdir.
