Bu sözləri Xeberle.com-a açıqlamasında Sumqayıt şəhər Mənzil Kommunal Təsərrüfatı İstehsalat Birliyinin sözçüsü Xaqani Həşimov deyib. X. Həşimov bildirib ki, Novruz bayramı günlərində həyətlər sakinlərin istifadəsinə veriləcək.

Qurum rəsmisi açıqlamasındayaşayı. binalarının vəziyyətinə də toxunub: "1360 yaşayış binasından 735-i zirzəmilidir. Qalanı xəndək tiplidir. Demək olar ki, zirzəmilərin hamısında kanalizasiya xətlərində cari təmir işləri aparılıb. Cəmi 4 zirzəmidə əsaslı təmirə ehtiyac var. Həmin zirzəmilərdə də işlər davam edir. 2 500 giriş qapıları seyf qapılarla əvəzlənib və 1 000-ə yaxın qapının da yenilənməsi planlaşdırılıb. Zirzəmilər mütəmadi olaraq dezinfeksiya olunur. Yazın gəlişi ilə əlaqədar dezinfeksiya işləri daha da sürətləndirilib. Həyətlərdə ağacların budanması işi də yekunlaşmaq üzrədir. Görülən bütün işlər şəhər İcra Hakimiyyətinin başçısının və Mənzil Kommunal Təsərrüfatı İstehsalat Birliyinin rəhbərliyinin ciddi nəzarətindədir. Bu həyətlər sakinlərə təhvil verildikdən sonra növbəti belə həyətlərin qurulmasına başlanılacaq".