Sumqayıt Şəhər İcra Hakimiyyətində keçirilən müşavirədə ərizə və şikayətlərə baxılması ilə bağlı mövcud vəziyyət müzakirə olunub. Hüquq mühafizə, səhiyyə, təhsil, mədəniyyət, digər xidmət sahələri rəhbərlərinin iştirak etdikləri müşavirədə sakinlərin istək və müraciətləri dinlənilib, qarşıda duran məsələlər müzakirə olunub, müvafiq icra orqanlarının rəhbərlərinə göstərişlər verilib.
  Sumqayıt Şəhər İcra Hakimiyyətinin başçısı Eldar Əzizov Prezident İlham Əliyevin rəhbərliyi ilə ölkədə həyata keçirilən islahatlardan və onların nəticələrindən danışıb. Son illər Sumqayıtda aparılan tikinti – quruculuq işləri, icra edilən layihələr barədə danışan icra başçısı görülən işlər nəticəsində əhalinin məşğulluq səviyyəsinin artdığını, həyat şəraitinin yaxşılaşdığını bildirib. E.Əzizov sosial problemlərin həll edilməsi üçün sakinlərlə görüşlərin mühüm rol oynadığı diqqətə çatdırılıb. O, sakinləri narahat edən bu və ya digər məsələlərlə bağlı sualları və müraciətləri cavablandırıb.
Çıxış edən sakinlər təbii qaz, elektrik enerjisi və su təchizatı, nəqliyyat, təhsil, səhiyyə, məşğulluq və digər sosial məsələlərlə əlaqədar rəy və təkliflərini verib, şəhər ərazisində gedən genişmiqyaslı işlərə görə Prezident İlham Əliyevə minnətdarlıqlarını bildiriblər.
Müşavirədə sakinlərin müraciətlərinə diqqət və qayğı ilə yanaşılmasının vacibliyi bir daha müvafiq idarə və struktur rəhbərlərinin diqqətinə çatdırılıb.(Azərtac)

Xeberle.com