"Ermənistan Parlamentinin qondarma Dağlıq Qarabağ Respublikasının müstəqilliyini tanıyacağı inandırıcı görünmür. Çünki Ermənistanın heç vaxt müstəqil qərar qəbul etmək cəsarəti olmayıb. Əgər onun belə bir cəsarəti olsa idi, bu illər ərzində "DQR"in müstəqilliyini tanıyardı. Ermənistanın siyasi rəhbərliyi bu gün Rusiyanın əlində, sadəcə, bir maşadır.". Bu cür sumqayıtlı siyasi təhlilçi Elçin Abdullayev düşünür.

Hazırda Rusiyanın Qərbin hərtərəfli sanksiyalarına məruz qaldığını deyən politoloqun fikrincə, belə vəziyyətdə özü üçün müdafiə cəbhəsi yaratmağa çalışan Kremlin rəsmi Bakı ilə münasibətlərini zədələyəcək addım atacağı mümkün görünmür: "Çünki Rusiya hazırkı situasiyada inkişaf etmiş Azərbaycandan çox şey güdür. Bunlar içərisində ölkəmizi Avrasiya İttifaqında görmək prioritetdir. Rəsmi Bakı isə bu qurumda təmsil olunması üçün şərtini irəli sürüb ki, bu şərt də ittifaqa namizəd olan Ermənistanın Azərbaycanın ərazi bütövlüyünü tam olaraq tanımasından ibarətdir. Ona görə də indiki vəziyyətdə Kremlin İrəvan hökumətinə "DQR"i müstəqil olaraq tanımaq sifarişini verməsi inandırıcı deyil."