Yeni Azərbaycan Paritiyası Sumqayıt şəhər təşkilatında "Qarabağ Azərbaycandır” adlı tədbir keçirilib.
Xeberle.com-a verilən məlumata görə, tədbirdə YAP Sumqayıt şəhər təşkilatının Gənclər Birliyinin sədr müavini, aparatın məsləhətçisi Emin Əliyev, Gənclər Birliyinin İdarə Heyətinin üzvü, Sumqayıt Dövlət Universitetinin magistrantı Nicat Hüseynov və SDU-nun fəal gəncləri iştirak edib.
Sumqayıt Dövlət Universitetinin magistrantı Nicat Hüseynov Azərbaycan Respublikasının Prezidenti İlham Əliyevin Aşqabad və Soçidə olan son iki çıxışı ilə bağlı fikirlərini tədbir iştirakçıları ilə bölüşüb.
Mövzu ilə bağlı ətraflı məlumat verən YAP Sumqayıt şəhər təşkilatının məsləhətçisi Əliyev Emin Valday klubunun ümumilikdə dünyada qəbul olunan nüfuzlu diskusiya mərkəzlərindən biri olduğunu bildirib. 2019 – cu il sentyabrın 30 – dan oktyabrın 3-dək Soçi şəhərində XVI illik diskusiya klubu təşkil edildi. Bu ilki diskusiya mövzuları Şərq – şəfəqləri və dünya siyasi quruluşu, Yaxın Şərq dünya siyasətinin laboratoriyası, dini ekstermizim problemləri və onun siyasi təsiri, Böyük Avrasiya geoiqtisadi məkanının təşkilinin yeni forması kimi mövzular müzakirə olundu. Müzakirələr 40 ölkədən 150-dən çox nümayəndə qatılmışdır. Rusiya prezidenti Vladimir Putin, Qazaxıstanın prezidenti, Azərbaycan prezidenti, İordaniya kralı və digər hökumət və dövlət nümayəndələri müzakirələrə qatılmışdır. Ermənistan prezidentinin 2019-cu ilin avqustun 5-də əzəli Azərbaycan torpağı olan Xankəndində keçirilən Pan-Erməni oyunlarının açılışında səsləndirdiyi "Qarabağ Ermənistanın tərkib hissəsidir nöqtə” ifadəsinin səsləndirdiyi auditoriya Valday ilə müqayisədə daha kiçik və aşağı nüfuzlu idi. Prezident İlham Əliyev dünyanın aparıcı beyin mərkəzlərinin rəsmi şəxslərinin qarşısında "Qarabağ tarixi və əzəli Azərbaycan torpağıdır! Qarabağ Azərbaycanındır və nida!” deməsi Paşinyana daha yüksək tribunadan ən tutarlı cavab oldu. Paşinyana Valday diskusiya klubunda əsl "master klas” verildi. Bu bütün ölkə ərazisində böyük ruh yüksəkliyi ilə qəbul edildi.
Nicat Hüseynov milli maraqların müdafiə olunmasında gənclərin üzərinə daha böyük vəzifələrin düşdüyünü, eləcə də sosial şəbəkələr üzərindən müstəqil və qüdrətli dövlətimizin maraqları naminə anti-Azərbaycan çağırışları edən radikal qüvvələrə qarşı mübarizə aparmağın olduqca əhəmiyyətli olduğunu vurğulayaraq, milli maraqlarımıza zidd və dini radikalizmi təbliğ edən sosial şəbəkə istifadəçilərinə qarşı mübarizə tədbirləri ilə bağlı tədbir iştirakçılarına məlumat verib.
Sonda gənclərin iştirakı ilə "Qarabağ Azərbaycandır və Nida” şuar ilə aksiya keçirildi.
Xəbərdən istifadə edərkən istinad etmək vacibdir.
