Bu ilin iyun ayında "ABI Research” analitik şirkəti 2014-cü ildə dünya üzrə LTE şəbəkəsi istifadəçilərinin 650 milyon nəfər təşkil etməsi məlumatına əsaslanaraq proqnozlaşdırıb ki, bu ilin sonuna qədər dördüncü nəsil baza şəbəkə istifadəçilərinin sayı 1,4 milyard nəfərə çatacaq.

Son məlumatlar göstərir ki, bu proqnoz həddindən artıq şişirdilib.

Beynəlxalq Mobil Qərarların Tədarükçüləri Assosiasiyası (Global Mobile Suppliers Association, GSA) qeyd edir ki, əslində ötən ilin sonuna dünya üzrə LTE abunəçilərinin sayı 500 milyon nəfər olub. Bu ilin iyun ayına isə bu rəqəm 755 milyon istifadəçiyə çatıb.

"Digitimes Research” analitik şirkəti mütəxəssislərinin qiymətləndirilməsinə görə, bu ilin sonuna qədər LTE şəbəkəsinin baza istifadəçilərinin sayı 945 milyon nəfərə qədər artacaq və bir il sonra bu rəqəm 1,5 milyard istifadəçi təşkil edəcək.

Həmin mənbə əlavə edir ki, GSM şəbəkəsində 1 milyard istifadəçi bəndinə çatmaq üçün 12 il vaxt lazım olacaq. 3G şəbəkəsi istifadəçiləri üçün isə 9 il zamana ehtiyac var. Məlum olur ki, LTE belə bazanı bu texnologiyanın kommersiya fəaliyyətinə başlamasından 6 il sonra əldə edə biləcək.

Qeyd edək ki, bu ilin iyun ayı tarixinə olan məlumata görə, dünyanın 143 ölkəsində 422 LTE şəbəkəsi operatoru fəaliyyət göstərib. 45 ölkədə isə 88 operator "LTE-Advanced (Cat 6)” şəbəkəsini işlətməyə başlayıb.(lent.az)