Xeberle.com olaraq vaxtaşırı əhalini maraqlandıran və narahat edən problemlər barədə sorğular keçiririk. Bu dəfəki sorğumuz da məhz istiliklə bağlı oldu. Sorğuda iştirak edən respondentlərin çoxu 9 və 13-cü mikrorayonlarda istilik təchizatının olmamasından şikayətçidirlər. Məhəllələrdə istiliyin olmamasını bildirənlər də az deyil.

"Azəristiliktəchizat" ASC-nin "Sumqayıtistiliktəchizat" İdarəsinin abonent və müştəri xidmətləri üzrə iqtisadçı Binəli Əliyev Xeberle.com-a bu barədə məlumat verərkən bildirib ki, idarə qış fəslinə tam hazırdır, noyabr ayının 15-dən istilik buraxılacaq: "Lakin ola bilər hava şəraiti ilə bağlı fövqəladə hal elan olunarsa vaxtından əvvəldə verilə bilər. Hazırda 3, 5, 17, 18 -ci  mikrorayonlar, 7, 8, 12, 18, 29- cü məhəllələr və Hacı Zeynalabdin qəsəbəsi tam, qalan ərazilər isə qismən istiliklə təmin olunur. Gələcəkdə bütün ərazilərin istiliklə təmin olunması planlaşdırılır".

Məlumat üçün bildirək ki, ümumilikdə 30 məktəb, 13 səhiyyə oyekti , 17 digər obyektlər və 263 yaşayış binası "Sumqayıtistiliktəchizat" İdarəsi tərəfindən istiliklə təmin olunur.