Sumqayıt şəhər sakini Elmira Bədəlova
övladı 24 yaşlı Mahir Bədəlovun əlil arabası ilə təmin olunması üçün 88 nömrəli forma (Vətəndaşların əlillik
vəziyyətinin müəyyən olunması üçün göndəriş forması) ala bilmədiyindən
şikayətçidir.
E. Bədəlova Xeberle.com-a bildirib ki, 3 nömrəli Sumqayıt şəhər poliklinikasında onu get-gələ salıblar: "Övladım
birinci qrup əlildir və əlil arabasından istifadə edir. Arabanı yeniləmək
bizim üçün böyük problemə çevrilib və bu müddət ərzində də mən 24 yaşlı
övladımı gəzdirməkdə çətinlik çəkirəm. Əlil arabası ilə təmin olunmaq üçün Dövlət Sosial Müdafiə Fonduna təqdim edilməli
olan 88 nömrəli formanı poliklinikadan ala bilməmişəm və 20 günə yaxındır məni get-gələ
salıb”.
Məsələ ilə bağlı 3 nömrəli
Sumqayıt şəhər poliklinikası ilə əlaqə saxladıq.
Poliklinikanın baş həkimi Elçin Zeynalov Xeberle.com-a açıqlamasında
yaranan vəziyyətin onlarla bağlı olmadığını deyib: "Sənədləri baş idarəyə
onlayn göndəririk. Sistemdə xəta baş
verib və bütün göndərilən sənədlər geri qayıdıb. Bir aydır biz bu problemin
həll olunmasına çalışırıq, lakin hələ də
müsbət nəticə əldə edə bilməmişik. Bu
həftə problem həll ediləcək və arayışlar ünvanına çatacaq.”
Xədicə Səxavətqızı
Xəbərdən istifadə edərkən istinad etmək vacibdir.
