Dekabrın
23-də keçiriləcək bələdiyyə seçkiləri ilə bağlı Yeni Azərbaycan Partiyasının
seçicilərlə görüşləri davam edir. Növbəti görüş
Sumqayıt şəhərində qadın seçicilərlə keçirilib. Tədbiri giriş sözü ilə
açan Yeni Azərbaycan Partiyası Sumqayıt
şəhər təşkilatının sədri Ramiz Hüseynov müstəqil Azərbaycan tarixində keçirilən
seçkilərdə Yeni Azərbaycan Partiyasının uğurlar əldə etdiyini bildirib və
qarşıdan gələn bələdiyyə seçkisində də qələbə əldə olunacağını əminliyini ifadə
edib: «Bələdiyyələrin formalaşmasında, onun inkişafında Yeni Azərbaycan
Partiyasının rolu olduqca böyükdür. Son illərdə şəhərimizin
abadlaşdırılması istiqamətində gedən işlərə
şəhər bələdiyyəsi də öz töhfəsini verib. Biz insanlarla tez-tez ünsiyyətdə
oluruq, onların fikirlərini öyrənirik. Mən əminəm ki, seçicilərimiz görülən işlərin davamlı olmasını istəyir və
bunun üçün də dekabrın 23-də məntəqələrə gəlib Yeni Azərbaycan Partiyasının
namizədlərinə səs verəcəklər».
Tədbirdə çıxış edən Milli məclisin
deputatı Dilarə Cəbrayılova qeyd edib ki, Ümummilli lider Heydər Əliyevin əsasını
qoyduğu siyasi kurs Azərbaycanı bütün sahələrdə inkişafa istiqamətləndirib: «Bu
gün Ulu öndər Heydər Əliyev siyasi kursunun davamçısı Azərbaycan Prezidenti İlham Əliyev inkişafın yeni modelini tətbiq
edir. Bütün dünya Azərbaycanın inkişaf dinamikasını nümunə göstərir. Ölkəmizdə
bütün sahələr inkişaf etməkdədir. Xalqımız müasir dünyanın tələblərinə əsasən
yaşayış səviyyəsi qurur. Bu inkişaf modelində bələdiyyələrin də rolu günü-gündən
artır. Mən əminəm ki, Sumqayıt şəhərinin qadın seçiciləri dekabrın 23-də
maksimum aktivlik nümayiş etdirəcək və Yeni Azərbaycan Partiyasının namizədlərinə
səs verəcəklər».
Tədbirdə çıxış edən şəhər bələdiyyəsinə
YAP tərəfindən irəli sürülmüş namizədlər Sultan Əsədov, Zeynəb Məmmədyarova, Pərzad Rəhimova və başqaları bələdiyyələ seçkiləri
ilə bağlı fikirlərini bölüşüblər.
Xəbərdən istifadə edərkən istinad etmək vacibdir.
