9 Fevral 2020 Azərbaycan Respublikasının Milli Məclisinə keçiriləcək növbədənkənar seçkilərdə 42 saylı Sumqayıt ikinci seçki dairəsinin müstəqil namizədi gənc ictimai-siyasi fəal, müstəqil jurnalist Nərmin Şamilovanin öz seçicilərinə, ölkə vətəndaşlarına müraciəti:
- Əziz vətəndaşlar, hörmətli seçicilər! Bilirsiniz ki, 9 Fevral 2020 Azərbaycan Respublikasının Milli Məclisinə növbədənkənar seçkilər keçiriləcək. Mən də bu seçkidə artıq 2-ci dəfə iştirak edirəm, 42 saylı Sumqayıt ikinci seçki dairəsinin həm gənc, həm də qadın namizədiyəm.
Müstəqil ictimai-siyasi fəal və jurnalist olaraq birtərəf namizədəm. Deyilməyənləri demək, haqqı tapdalananlarin haqqına sahib çıxmaq, müzakirə edilməyənləri gündəmə gətirmək, kimsəsizlərin yanında olmaq, səsi eşidilməyənlərin səsi olmaq üçün millət vəkili olmağa iddialıyam, SƏSinizəm!
Mən Sumqayıtlıyam, AR vətəndaşıyam, sadə vətəndaş, ictimai fəalam. Buna görə də mən sizi daha yaxşı başa düşürəm və sizin yanınızda olmaq istəyirəm. İşləmək həvəsim və uğurlu fəaliyyətim var. Mən sizin namizədiniz, sizin SƏSinizəm.
Sizin təhsiliniz, səhiyyəniz, sosial qayğı və problemləriniz, mədəniyyətiniz, uşaq, yeniyetmə, gənclərinizin inkişafı, qadınlar, şəhid ailələri və qazilər, kimsəsizlərə dair məsələlər və bütün bunların həlli, inkişaf yolları mənim hədəflərimdir, sizin seçiminiz sizin hüququnuzdur. Odur ki, səsimə səs verin, vətəndaşlar! Hərəmizin bir səsi bütünlüklə hamımızın səsidir. Necə deyərlər: "Güc birlikdədir".
Qeyd edim ki, 9 Fevral 2020-ci il tarixində keçiriləcək Azərbaycan Respublikası Növbədənkənar Milli Məclis seçkilərində namizədi olduğum 42 saylı Sumqayıt İkinci Seçki Dairəsinə aid olan ərazilər bunlardır:
1)1,2,3,4,5,6 mikrorayonlar,
2)14,15,16,17,29,30,34,35,41,45,76 məhəllələr
3)Sumqayıt stansiyası, Qızılqum qəsəbəsi
9 Fevral seçkiyə gəlin, səs verin, namizədiniz vəkiliniz, SƏSiniz olsun!
Xəbərdən istifadə edərkən istinad etmək vacibdir.