Xüsusi karantin rejimi tətbiq olunan ilk gündən bu günədək Sumqayıt Şəhər Polis İdarəsi tərəfindən şəhər ərazisində keçirilən nəzarət tədbirləri nəticəsində 32 nəfər şəhər sakini inzibati qaydada həbs olunub.
Bu barədə Xeberle.com-a Sumqayıt şəhər Polis İdarəsinin İctimai təhlükəsizlik şöbəsinin rəisi, polis polkovnik-leytenantı Nizami Paşayev məlumat verib. N. Paşayev qeyd edib ki, bununla yanaşı, COVID-19 infeksiyasının yayılmasının qarşısının alınması istiqamətində gücləndirilmiş iş rejimində çalışan polis əməkdaşları ötən müddət ərzində 7039 şəxs barəsində inzibati protokol tərtib edərək cərimələyiblər ki, bunun da 459-u qapall məkanlarda maska taxılmadığına görədir.
Şöbə rəisi 15 sahibkarın isə qanunsuz olaraq fəaliyyətini davam etdirdiyinə görə inzibati məsuliyyətə cəlb olunduğunu bildirib.
O, vurğulayıb ki, polis əməkdaşları pandemiya dövründə təkcə müəyyən olunmuş qaydaların əməl olunmasına nəzarət etmir, həm də əhali arasında maarifləndirici, təbliğat işi də aparır: "İnsanlara pandemiya şəraitində davranış qaydaları, vəziyyətin ciddiliyi və karantin rejimi ilə bağlı məlumatlar verilir".
Xədicə Səxavətqızı
Xeberle.com
Xəbərdən istifadə edərkən istinad etmək vacibdir.
