Sumqayıt şəhər 2 saylı Uşaq poliklinasında koronavirusa yoluxan işçilərin tibb heyətinin məcburi qaydada işə çıxması tələb olunur.
Bu barədə Xeberle.com-a ünvanlanan şikayət məktubunda qeyd olunub. İddia olunur ki, COVlD-19 infeksiyasına yoluxmuş işçilərin işə çıxması tələb edilir, analiz verməyə icazə verilmir.
Məsələ ilə bağlı 2 saylı poliklinikanın baş həkimi Maisə İsmayılova ilə əlaqə saxladıq. Baş həkim Xeberle.com-a yayılan məlumatın həqiqəti əks etdirmədiyini deyib: "Hazırda poliklinikanın 132 işçisindən 9-u koronavirus xəstəsidir. Virusa yoluxan işçilərlə eyni otaqda çalışan işçilərdən də yaxmalar götürülüb və 14 günlük karantin müddətində işdən uzaqlaşdırılıblar. Həmçinin, işçilərin növbəli qrafik əsasında 30 faizi işə çıxır. Himayəsində azyaşlı övladı olan və yanaşı xəstəlikləri olan işçilər hələ ki, işə çıxmır. Lakin heç bir simptomları olmadığı və virusa yoluxanlarla kontaktı olmadığı halda yaxma analizi vermək istəyən işçilərimiz olub ki, onlara da TƏBİB-in göstərişi ilə simptomsuz yaxma götürülmədiyi üçün imtina edilib”.
Xədicə Səxavətqızı
Xəbərdən istifadə edərkən istinad etmək vacibdir.