Xeberle.com-unməlumatına görə, şikayətçilər ərazidə kanalizasiya xəttinin olmadığına baxmayaraq onlardan müəyyən məbləğdə pul yığıldığını deyirlər: "Sözügedən ərazidə kanalizasiya xətti ümumiyyətlə olmayıb. Hər kəs öz həyətində kanalizasiyasını xüsusi quyulara axıdır. Hər ayın sonunda bu iş üçün ayrılmış avtomobil vasitəsi ilə vətəndaşların öz hesabına daşınır”.

Sakinlər bildirirlər ki. bəzi yerlərdə kanalizasiya suları evlərin həyətlərinə dolur. Onlar əraziyə tez bir vaxtda kanalizasiya xəttinin çəkilməsini istəyirlər. Əks halda kanalizasiya xidməti haqlarını ödəməkdən imtina edəcəklər.

Sumqayıt Sukanal İdarəsindən isə məsələyə belə münasibət bidliriblər: "76-cı məhəllə yeni salınmış yaşayış massividir. Ərazidə içməli su şəbəkəsi olsa da, kanalizasiya infrastrukturu mövcud deyil. Bununla bağlı sakinlər tərəfindən "Azərsu” QSC-yə müraciət olunub. Abşeron yarımadasının baş planına əsasən gələcəkdə bu istiqamətdə işlər görüləcək. Vətəndaşlardan kanalizasiya ilə bağlı pul tutulması halı varsa Sumqayıt Sukanal idarəsinə müraciət etsinlər. Bundan sonra məsələ tam araşdırılaraq lazımi addım atılacaq”.