Bu barədə Sumqayıt şəhər sakinləri məlumat veriblər. Sakinlər bildiriblər ki, 2, 3, 5, 7, 9, 26, 30 nömrəli avtobusların heç birində kondisioner işləmir.

Məsələ ilə bağlı saytımıza açıqlama verən Sumqayıt Avtomobil Nəqliyyatı ilə Sərnişindaşıma İdarəsinin rəis müavini Tofiq Saydumov bildirib ki, növbəti həftənin bazar ertəsindən etibarən sözügedən avtobuslarda kondisionerlər işləyəcək:

"İdarə tərəfindən avtobuslarda frion maye qaz probleminin üzərində işə başlanılıb. İyun ayının 21-22-dən etibarən avtobuslarda kondisioner sistemi tam işə düşəcək”.

Müqayisə üçün bildirək ki, Bakı şəhəri üzrə marşrut avtobuslarda kondisionerlər artıq qoşulub.

(axar.az)