Sumqayıtda narkotik vasitə ilə tutulan şəxsin başqa cinayətləri də aşkar edilib.

Daxili İşlər Nazirliyinin (DİN) xəbər verir ki, Taleh Hüseynovun ətrafında Baş Cinayət-Axtarış İdarəsi və Sumqayıt Şəhər Polis İdarəsi əməkdaşları tərəfindən aparılmış əməliyyat tədbirləri ilə onun yanvarın 16-da Lənkəran rayon sakini, əvvəllər məhkum olunan İlkin İsdamov və Fərhad Əliyevlə birgə Rafiq Abdullayevin 18 000 manatını və qızıl əşyalarını quldurluq yolu ilə alması müəyyən edilib. Habelə, dəstə üzvlərinin 2012-ci il avqustun 24-də Azər Mehdiyevin, 2014-cü il yanvarın 30-da Aidə Rəhimovanın və 2014-cü il iyulun 8-də Sevindik Əzimovun evlərindən pul və qızıl əşyalar, eləcə də 2012-ci il iyun ayında Sumqayıt şəhər sakini Gülnarə Hacıyevanın evindən 6000 manat və qızıl əşyalar oğurlaması da müəyyən edilib. Həyata keçirilən əməliyyat-axtarış tədbirləri ilə İ.İsdamov tutularaq istintaqa təqdim olunub.

Faktla bağlı əməliyyat-istintaq tədbirləri davam etdirilir.  (report.az)