Bu gün səhər saatlarında Sumqayıt şəhərində bədbəxt hadisə baş verib. Belə ki, şəhərin 3-cü mikrorayonunda, 12 mərtəbələrin qarşısında olan parkda skamyada əyləşən yaşlı bir kişi qəflətən dünyasını dəyişib. Şahidlərinin Xeberle.com-a verdiyi məlumata görə, 41-ci məhəllə sakini olan təxminən 70 yaşlarında olan Sumqayıt sakini skamyada əyləşəndən bir neçə dəqiqə sonra müvazinətini itirərək yıxılıb. Şəhər sakininin ürək çatışmazlığından vəfat etdiyi ehtimal edilir. Hadisə yerinə Təcili Tibbi Yardım maşını gəlib. Ölənin şəxsiyyəti müəyyənləşdirilir.
Olayla bağlı əlavə məlumat verəcəyik. 

Xeberle.com