Bu dəqiqələrdə paytaxtın 20 Yanvar dairəsində şəxsiyyəti məlum olmayan sürücü özünü yandırıb.

Sürücü münaqişə zəminində əsəbiləşib və üstünə benzin tökərək özünü yandırıb.

Özünü yandıran şəxsin Bakı-Sumqayıt marşrutunda çalışdığı deyilir.

Ətrafdakı insanlar alovu söndürərək sürücünü xəstəxanaya aparıblar. Şahidlər yaralının vəziyyətinin ağır olduğunu deyib.

Hadisə nəticəsində 20 Yanvar dairəsinə çoxsaylı insan toplaşıb və bu da böyük tıxacın yaranmasına səbəb olub.

5 saylı şəhər kliniki xəstəxanasının yanıq şöbəsindən bildirilib ki, onlara hadisə ilə bağlı müraciət olunmayıb.  (axar.az)