Sumqayıt şəhəri 18-ci məhəllənin 10/23 saylı binasında yaşayan sakinlər istilik üzünə həsrət qalıb. Onların sevinci cəmi bir gün çəkib. Belə ki. noyabrn 15-də binaya istilik verilsə də, bir gün sonra kəsilib. Məlum olub ki, binanı istiliklə təchiz edən boru partlayıb.
Bu barədə Xeberle.com-a sakinlər məlumat verib. Bildirirlər ki, həmin gündən Sumqayıt İstilik İdarəsinə müraciət etsələr də hələ də onların probleminə əlac edən tapılmayıb: "Neçə dəfə gedib şikayət etmişik. Hələ də düzəltməyiblər. Həyəti də su basıb. Evdə buz kimi ssoyuqdur. Bəs bu istilik sistemi niyə çəkilib evə?"
Sakinlər aidiyyatı qurumların problemi tezliklə həll edəcəyinə ümid edirlər.
Xəbərdən istifadə edərkən istinad etmək vacibdir.
