Sumqayıt şəhərində sərnişindaşımada kart sistemindən istifadənin dayandırılması barədə məlumat vermişdik.
Xeberle.com-un məlumatına görə, avtobuslarda quraşdırılmış validator aparatları və istifadə edilən ödəniş kartları istifadəçilərə problem yaşadırdı, vətəndaşlardan gələn şikayətlərin ardı-arası kəsilmirdi. Bu problemin aradan qaldırılması üçün yeni validator aparatların sifariş verildiyi də bildirilir.
Qeyd edək ki, Sumqayıt şəhərinin ictimai nəqliyyatında bu il sentyabrın 28-dən kart vasitəsilə ödəniş tətbiq edilsə də, bu sistem özünü doğrultmayıb. Buna baxmayaraq sistemdən istifadə etmək üçün kifayət qədər sərnişin bu kartı almaq məcburiyyətində qalıb.
Məlumat üçün bildirək ki, kartı 2 AZN ödəniş etməklə əldə etmək olurdu.
Maraqlıdır, validatorların işləməməsi nə qədər ziyana səbəb olub?
Elə bu bu məqsədlə "Sumqayıt Nəqliyyat-1" MMC ilə əlaqə saxladıq. Qurumdan Xeberle.com-a bildirildi ki, validatorlar ümumi olaraq 200 avtobusda quraşdırılıb və istifadə olunmasa da nəqliyyat vasitələrində qalır:" Biz validatorları pul verib almamışıq. Rusiyanın şirkətlərinin biri tərəfindən quraşdırılıb və aylıq ümumi gəlirin 3,5 faizini onlar götürürdü.Sumqayıtda validatorların işləməməsi külli miqdarda ziyana səbəb olub, təzminat ödənilə bilər -AÇIQLAMASumqayıtda validatorların işləməməsi külli miqdarda ziyana səbəb olub, təzminat ödənilə bilər -AÇIQLAMA
Bildiyiniz kimi, hazırda validatorlarda yaranan texniki problemə görə fəaliyyətləri müvəqqəti olaraq dayandırılıb. Ola bilsin ki, texniki problem həll olunar və yenidən həmin validatorlarla davam edərik. Və ya əlavə olaraq android validatorlar da quraşdırıla bilər. Bizə küllü miqdarda ziyan dəyib. İki ayda demək olar ki, qazancımız olmadı. Validatorları quraşdıran firmanın bizə təzminat ödəməsi barədə danışıqlar gedir, biz dəyən ziyan qarşısında susmayacayıq".
Xeberle.com
Xədicə Səxavətqızı
Xəbərdən istifadə edərkən istinad etmək vacibdir.
