Sumqayıtda insan üçün zərərli olan çirkləndiricilər təyin olunmağa başlayıb.
Ekologiya və Təbii Sərvətlər Nazirliyinin Milli Hidrometeorologiya Xidmətinin rəisi Umayra Tağıyevanın sözlərinə görə, 5 yeni stansiya və 1 ədəd Səyyar Laboratoriya vasitəsilə burada fasiləsiz olaraq havanın monitorinqi aparılır. Müəyyən olunub ki, gündəlik olaraq atmosferə azot, kükürd qazı, dəm qazı və s. zərərli hissəcik və qaz birləşmələri buraxılır.
Monitorinqin göstəricilərinə əsasən, ilin isti aylarında tullantılar havada uzun müddət qalır və bu səbəbdən havanın keyfiyyət göstəriciləri aşağı düşür. Payız mövsümündə yağışlar başlayandan sonra isə havada olan çirkləndiricilərin miqdarı azalır və havanın keyfiyyəti yüksəlir.
Tağıyeva qeyd edib ki, havanın çirklənmə mənbələrindən biri də transsərhəd gətirmələrdir
Xəbərdən istifadə edərkən istinad etmək vacibdir.
