Xeberle.com olaraq çalışırıq hər zaman şəhər sakinlərini maraqlandıran problemləri ictimailəşdirək, həlli yollarını tapaq.
Bu dəfə sosial şəbəkə üzərindən keçirdiyimiz sorğunun mövzusu şəhərdaxili marşrut avtobus xətləri idi. "Neçə saylı marşrut avtobusdan istifadə edirsiniz və fəaliyyətindən razısınızmı?”, - sualı ilə apardığımız sorğuda əsasən şikayət 2, 4 və 30 saylı marşrut avtobuslarından oldu.
Biz də marşrut avtobus xətləri üzrə aidiyyəti üzrə əlaqə saxlayıb interval müddətlərini öyrənib, sizə təqdim edirik.
4 saylı marşrut xətti üzrə 8 avtobus 6-7 dəqiqə intervalla işləyir və saat 05:45-21:00 arası fəaliyyət göstərir.
2 saylı marşrut xətti 7 avtobusla 15 dəqiqə intervalla işləyir. Saat 06:00-21:30 aralığında xətdə olur.
30 saylı marşrut xətti isə 8 avtobusla 15 dəqiqə intervalla işləyir. Saat 06:00-21:30 aralığı xətdə fəaliyyət göstərir.
Hər bir nəqliyyat vasitəsində qaynar xətt nömrələri qeyd olunub.
Məlumat üçün onu da bildirək ki, avtobuslarda interval dəyişə bilir. Buna səbəb isə zamanla nəqliyyat vasitələrində yaranan nasazlıqlar və sürücü çatışmazlığıdır.
Yaxın vaxtlarda əlavə olaraq nəqliyyat vasitələrinin gətirilməsi nəzərdə tutulub.
Xədicə Səxavətqızı
Xeberle.com
Xəbərdən istifadə edərkən istinad etmək vacibdir.
