Sumqayıtda yük avtomobili qaz xəttini dağıdıb.
Xeberle.com-un məlumatına görə, hadisə 7 dekabr axşam saatlarında baş verib. Çerkassı küçəsi (12-ci mikrorayon) ilə hərəkət edən maşın qaz borusuna çarpılaraq onu aşırıb. Nəticədə ətrafda olan binaların qazla təminatı dayandırılıb, 350-yə yaxın abonent qazsız qalıb. Əraziyə aidiyyəti qurumların əməkdaşları cəlb olunublar.
Qeyd edək ki, qaz xəttinin üzərində hündürlüyü göstərən nişan olmayıb.
Sumqayıt Qaz İstismarı Sahəsindən Xeberle.com-a qəza barədə məlumat verilərək bildirilib ki, hazırda ərazidə təmir işləri gedir. Gün ərzində Yaşıldərə, Ceyrannatan, Novxanı, Təzə Corat, Köhnə Corat, Qurd dərəsi, Novruz qəsəbəsi, 12, 17-ci mikrorayon, 49, 50, 51- ci məhəllərdə gün ərzində mavi qazın verilişində məhdudiyyətlər olacaq.
Xədicə Səxavətqızı
Xeberle.com
Xəbərdən istifadə edərkən istinad etmək vacibdir.
