Sumqayıt şəhərində bu il ərzində 9509 nəfər işlə təmin edilib, 150 nəfərə isə işsizlikdən sığorta ödənişi təyin edilib.
Bu barədə Xeberle.com-a 7 saylı Ərazi Məşğulluq Mərkəzindən məlumat veriblər. Qeyd olunub ki, hazırda özünüməşğulluq proqramı çərçivəsində 342 nəfərə aktivlər verilib. Bununla yanaşı,
"Koronavirus (COVID-19) pandemiyası dövründə xüsusi karantin rejiminin tətbiq olunması ilə əlaqədar işsiz kimi qeydiyyatda olan şəxslərə birdəfəlik ödəmənin verilməsi şərtləri və qaydası”nın təsdiq edilməsi barədə” Azərbaycan Respublikası Nazirlər Kabinetinin 2020-ci il 8 aprel tarixli 127 nömrəli Qərarına uyğun olaraq Respublika üzrə 600 min nəfərə 190 manat birdəfəlik ödəmə təyin edilib ki, bunun da 4%- ni (24 min nəfərini) Sumqayıt şəhər Məşğulluq Mərkəzində qeydiyyatda olan işsiz vətəndaşlar təşkil edir.
Bildirilib ki, 2020-ci il ərzində işsiz şəxslərin müvəqqəti məşğulluğunu təmin etmək məqsədilə haqqı ödənilən ictimai işlərə 5543 nəfər cəlb olunub.
2020-ci il ərzində 40 nəfər peşə kurslarına cəlb edilib, həmçinin ilk dəfə işaxtaranlar
orta məktəblərin yuxarı sinif şagirdləri arasında 1800 nəfərə peşəyönümü tədbirləri həyata keçirilib.
Xədicə Səxavətqızı
Xəbərdən istifadə edərkən istinad etmək vacibdir.
