Noyabrın 1-də Dini Qurumlarla İş üzrə Dövlət Komitəsinin Sumqayıt bölgəsi üzrə şöbəsinin təşəbbüsü ilə Sumqayıt şəhərində yerləşən 3 nömrəli tam orta məktəbdə Dövlət Komitəsinin sifarişi ilə çəkilən "Fitnə” sənədli filmi nümayiş etdirilib.
Tədbirdə DQİDK-nın Sumqayıt bölgəsi üzrə şöbəsinin əməkdaşı Ülvi Məmmədov, məktəbin direktoru Ülkər Çəndirli, müəllimlər və yuxarı sinif şagirdləri iştirak ediblər.
Tədbiri giriş sözü ilə açan məktəbin direktoru Ülkər Çəndirli milli-mənəvi dəyərlərimizin təbliği, eləcə də dini radikalizm və onun fəsadları barədə maarifləndirici tədbirlərin həyata keçirilməsinin zərurətindən danışıb.
Daha sonra çıxış edən DQİDK-nın Sumqayıt bölgəsi üzrə şöbəsinin əməkdaşı Ülvi Məmmədov mənəvi baxımdan sağlam,savadlı və vətənpərvər gənc nəslin yetişdirilməsinin dövlət siyasətinin əsas prioritet istiqamətlərindən biri olduğunu bildirib. O qeyd edib ki, bu məqsədlə həyata keçirilən kompleks tədbirlərdən biri də maarifləndirici xarakterli filmlərin çəkilib geniş auditoriyalarda nümayiş etdirilməsi, bu yolla gənclərə dini fundamentalizm və dini radikalizmi anlatmaqdır.
Qeyd edək ki, "Fitnə” filmi nümayiş oldunduqdan sonra film ətrafında müzakirələr aparılıb.
Xəbərdən istifadə edərkən istinad etmək vacibdir.
