Sumqayıt şəhərinin bəzi ərazilərindən keçən "Acı dərə” kanalı şəhərin ekologiyasına mənfi təsir göstərir, intensiv yağışlar zamanı daşaraq ətraf əraziləri çirkab sularla çirkləndirirdi.
Bəs bu problemin aradan qaldırılması istiqamətində hansı işlər görülüb?
Sumqayıt Sukanal İdarəsinin rəisi Xalid Quliyev Xeberle.com-a açıqlamasında hazırki vəziyyətə belə aydınlıq gətirib: "Bu problemin aradan qaldırılması məqsədilə şəhər rəhbərliyi və "Azərsu” ASC-nin təşəbbüsü ilə görüləcək işlərin layihə sənədləri hazırlanıb və qısa zamanda tikinti-quraşdırma işlərinə start verilib. Belə ki, adıçəkilən açıq kanalın iri diametrli dəmir-beton borulara alınması işi podratçı təşkilat "Archiko” MMC tərəfindən həyata keçirilməyə başlanıb. İlkin mərhələdə şəhərin Sülh küçəsi, ”Lukoyl” YDM-in yanından Kamran Hüseynov küçəsinin kəsişməsinə qədər olan 1550 pm, S.Vurğun küçəsindən dəniz kənarına kimi 650 pm, ümumilikdə 2200 pm kanalizasiya kollektoru çəkilərək istifadəyə verilib. İkinci mərhələdə Sülh küçəsindən "Əşya bazarı”adlanan əraziyə qədər olan hissədə 876 pm D=1200 mm, "Əşya bazarı”ndan Kotej qəsəbəsi, Səməd Vurğun küçəsinə qədər 1761 pm D=1400 pm, Səməd Vurğun küçəsi, "Xəzər” bağları yaşayış massivindən dənizə qədər olan hissədə isə 910 pm D=1600mm dəmir-beton borular çəkilib, 125 pm 2x1m ölçüdə beton qutular quraşdırılıb. Hazırda tikinti-quraşdırma işləri yekunlaşmaq üzrədir".
Xəbərdən istifadə edərkən istinad etmək vacibdir.
