Sumqayıt Regional Mədəniyyət İdarəsinə tabeli Mərkəzləşdirilmiş Kitabxana Sisteminin Mərkəzi Uşaq Kitabxanasında Azərbaycan ədəbiyyatının görkəmli nümayəndəsi, tanınmış yazıçı, publisist Tağı Şahbazi Simurqun anadan olmasının 130 illik yubileyi münasibətilə "Zərifə” hekayəsi əsasında hekayə saatı keçirilib. Tədbirdə kitabxananın multimedia mütəxəssisi Qənimyə Baqişova Azərbaycan ədəbiyyatında, siyasətində müstəsna xidmətlər göstərmiş görkəmli yazıçı, pedaqoq T.Ş.Simurqun keşməkeşli həyatı, yaradıcılığından danışaraq, şairin ədəbi irsini əks etdirən kitablar haqqında tədbir iştirakçılarına xülasə verib.
Sonra yazıçının əsərlərində yeni həyat quruculuğu, qadın azadlığı mövzularının yer tutduğu hekayələrdən biri olan "Zərifə” hekayəsinin qısa məzmunu ilə oxucuları tanış edərək, hekayə haqqında fikirlər söylənilib.
Tədbirin sonunda Tağı Şahbazi Simurqun həyat və yaradıcılığını əks etdirən videoçarx nümayiş olunub.
Xəbərdən istifadə edərkən istinad etmək vacibdir.
