Bu gün Sumqayıt şəhər Səməd Vurğun adına Mərkəzi kitabxanada Sumqayıt hadisələrinin tədqiqatçısı, publisist, yazıçı Eyruz Məmmədovla görüş keçirilib.

Sumqayıt şəhər Mədəniyyət və Turizm İdarəsinin Mətbuat xidmətindən Xeberle.coma verilən məlumata görə "Oxucu ilə üz-üzə” adlanan görüşə şəhər ziyalıları, jurnalistlər və tələbələr qatılıb. Görüşdə müəllifə yazdığı əsərlər, Sumqayıt hadisələrinin tədqiqatı və müasir ədəbiyyatımızın problemləri ilə bağlı suallar verilib. Sualları cavablandıran Eyruz Məmmədov həm yaradıcılığı, həm də apardığı tədqiqat işləri ilə bağlı maraqlı faktlar açıqlayıb.

Sonda oxuculara müəllifin imzası ilə kitablar hədiyyə edilib.