162 ölkənin daxil olduğu "Qlobal Terrorizm Reytinqi” açıqlanıb.
London İqtisadiyyat və Sülh İnstitutu 2015-ci il üçün "Qlobal Terrorizm Reytinqi” adlı illik hesabatını dərc edib.
Reytinq siyahısında qeyd edilir ki, dünyada terrorizmlə bağlı vəziyyət daha da gərginləşib. 

İnstitut əməkdaşlarının sözlərinə görə, həm terror aktlarının sayı, həm də onların qurbanları çoxalıb. Bundan əlavə terror təhlükəsi yeni ölkələrə ayaq açır. 

Siyahıda 162 ölkənin məlumatları təhlil edilib. 

Terror təhlükəsinin yüksək olduğu ölkələrin siyahısına İraq başçılıq edir. İlk beşlikdəNigeriya, Əfqanıstan, Pakistan və Suriyanın da adı var. Ötən il baş verən terror hadisələrinin 78 faizi məhz bu beş ölkənin payına düşür. 

İlk onluqda Hindistan, Yəmən, Somali, Liviya, Taylandın adı da yer alıb. 


Təhlükə dərəcəsinə görə rənglər tündləşir


Siyahıda Azərbaycanın da adı var. Lakin ölkəmiz təhlükəsizlik səviyyəsinə görə üst sıralardan birində - 93 yerdə qərarlaşıb. Azərbaycanın qonşuları olan Ermənistan və Gürcüstan isə 116 və 71-ci pillədə qərarlaşıb. Şimal qonşumuz Rusiyaya 23-cü, Türkiyə isə 27-ci yerdədir. 


Azərbaycan siyahıda 93-cüdür.


Ümumilikdə isə 2014-cü ildə 67 ölkədə ən azı bir nəfərinin ölümü ilə nəticələnən terror aktı baş verib.