Ötən gündən Sumqayıt şəhərində yerləşən "Səda Store" super marketinin daxilində fəaliyyət göstərən şirniyyat sexi şəhər icra hakimiyyəti nümayəndələri tərəfindən bağlanılıb.
Marketdən Xeberle.com-a verilən məlumata görə, buna səbəb kimi sexin dezinfeksiya olunmadığı və işçilərin gigiyena şərtlərinə tam əməl etməməsi göstərilir.
Lakin sahibkar iddia edir ki, bütün verilən tapşırıqlar, qoyulan şərtlər həyata keçirilib əməl olunsa da ,şirniyyat sexinin fəaliyyətinə icazə verilmir.
Sexdə bir şəhid anası, iki nəfər isə övladı müharibədə olan işçilər çalışır.
Şəhər İcra Hakimiyyətindən isə Xeberle.com-a verilən açıqlamada bildirilib ki, dezinfeksiya işləri tamamlandıqdan sonra ərazi nümayəndəliyi tərəfindən baxış keçiriləcək və sex yenidən fəaliyyət göstərəcək.
Xədicə Səxavətqızı
Xeberle.com
Xəbərdən istifadə edərkən istinad etmək vacibdir.
