Abşeron rayonunda Masazır kəndi, "Zəngilan şəhərciyi"nə gedən 525 nömrəli xətt üzrə hərəkət edən avtobuslar sərnişinlərin narazılığına səbəb olub.
Xeberle.com məlumat verir ki, narazılığa səbəb sözügedən avtobusların günün pik saatlarında
yüklü olmasıdır.
"Nə vaxta qədər bizim avtobuslar bu cür əyri, yanpörtü hərəkət edəcək? Nə vaxtsa bu avtobusların normal qaydada, əyilmədən hərəkət etdiyini görəcəyik?", - deyə şikayətdə bildirilir.
Məsələ ilə bağlı Oxu.Az-a açıqlama verən Azərbaycan Yerüstü Nəqliyyat Agentliyinin (AYNA) mətbuat katibi Tural Orucov məsələnin nəzarətə götürüldüyünü bildirib.
"Yol infrastrukturunun qənaətbəxş olmaması səbəbindən, xüsusilə "Zəngilan şəhərciyi" adlanan ərazidə 525 nömrəli marşrut avtobuslarının konstruksiyaları zədələnir, ehtiyat hissələri sıradan çıxır. 525 nömrəli marşrutun müvəqqəti istismarçısına avtobus parkının yenilənməsi ilə bağlı tapşırıq verilib", - deyə T.Orucov bildirib.
Xəbərdən istifadə edərkən istinad etmək vacibdir.
