Sumqayıtlı gənc Əfqan Xəlilli maraqlı bir təşəbbüslə çıxış edir. O, maddi ehtiyacı olan tələbələrə yardım etmək - dəstək vermə qərarına gəlib. Bunun üçün Əfqan Xəlilli
kolleksiyasında saxladığı tanınan futbol formalarından bəzilərini satmaq qərarına gəlib. Facebook sosial şəbəkəsində o, aşağıdakıları yazıb:
- Tələbə vaxtı demək olar ki hamı hansısa zaman kəsiyində maddi çətinliklə qarşılaşa bilir. Mənim təhsil aldığım Türkiyə və İspaniya kimi ölkələrdə təkcə vəqflər, dövlət qurumları yox, fərdi olaraq tələbələrə dəstək verən insanlar çox idi. Bu dəstək sadəcə pul vermək olaraq verilmirdi, bəzən qida, bəzən güzəşt. Məsələn, mən qardaş ölkədə bütün
xarici tələbələr kimi, Türkiyə Respublikası Baş nazirliyinin təsis etdiyi təqaüddən 2 dəfə faydalanmışam.
Təəssüf ki, Azərbaycan dövlətindən təhsilim boyu heç bir dəstək görməmişəm. Ümumiyyətlə, Azərbaycanda təhsilə dəstək anlayışı zəifdir. Bu mövzuyla maraqlananlar onsuz da bütün həqiqəti bilirlər.
Uzun sözün qısası, təhsilə dəstək məqsədilə, öz kolleksiyamda saxladığım futbol formalarından bəzilərini satmaq qərarına gəlmişəm. Konkret olaraq, bu formadan gələn gəlirlər Azərbaycanda və ya xaricdə təhsil alan gənclərə yönləndiriləcək.
Aşağıdakı forma, qürurumuz - "Qarabağ" futbol klubunun braziliyalı yarımmüdafiəçisi Richard Almeydanın keçən mövsüm Fransada "Monako" klubuna qarşı görüşdə geyindiyi formadır.
Satış qiyməti: başlanğıc üçün - 100 AZN.
Satış müddəti: 3 gün.
Əlaqə nömrəsi: 055 400 49 80
Paylaşaraq dəstək verə bilərsiniz.
Xəbərdən istifadə edərkən istinad etmək vacibdir.
