"Ali məktəb auditoriyalarını əlimizdən alıblar. Təhsil Nazirliyi yaxşı bir qərar verib: orta məktəblərdə kitab oxuma vərdişləri  gücləndirilməlidir, yazıçılarla əlaqələr qurulmalıdır…  Görüş üçün bir-iki orta məktəbə çağırıblar. Elə bil, ali məktəblər rektorların malikanələridir. Kənar adamları  buraxmırlar”. 
Xeberle.com-un məlumatına görə, xalq şairi, tanınmış yazıçı-publisist, 25 il Azərbaycan parlamentinin deputatı olmuş, Vətəndaş Həmrəyliyi Partiyasının (VHP) sədri Sabir Rüstəmxanlı strateq.az-a müsahibəsində bu fikri səsləndirib.
O, oxucuları ilə ünsiyyət qura bilmədiyindən şikayətlənib:  "Azərbaycan müstəqil olandan sonra, demək olar ki, mən heç bir universitet auditoriyasında görünmürəm. Mən yazıçıyam, şairəm, oxucularla görüşməliyəm. Bu, necə olur? Başqa ölkələrdə oxucularla görüşlərimiz keçirilir, amma Azərbaycan oxucusu ilə ünsiyyət qura bilmirik. 
Sovet vaxtı eyni gündə 2-3 yerdə görüşlər keçirilirdi. Bu görüşlər milli ruhun güclənməsinə ciddi təsirlər göstərirdi. Ədəbiyyat ölkənin tarixini və bu gününü anlamağa, gənc nəslin tərbiyəsinə  kömək edən bir gücdür. Cavanlardan soruşanda "nə oxuyursan?”, cavabında dünya ədəbiyyatından misal çəkirlər. Niyə? Bilərəkdənmi Azərbaycan ədəbiyyatını gözdən salmaq istəyirlər?! Nə üçün Azərbaycan ədəbiyyatı ilə gəncliymiz arasında divar çəkirlər?! Televiziyada epizodik çıxış edirik. Kimdir ona baxan? Camaat bu gün şoulara, seriallara  baxır. Efirdə qısa görüşlərin ciddi izi qalmır”.
Sabir Rüstəmxanlı yazıçıların, ziyalıların xalqdan ayrı düşdüyünü hesab deyir: "Bəli, ziyalılarla xalq arasında ayrılıq var. Mövqeyimizi görmürlər, çıxışlarımızı eşitmirlər. Camaatla ünsiyyətimiz zəifləyib. Bu, səhvdir”.

Xəbərdən istifadə edərkən istinad etmək vacibdir.