Azərbaycan
xalqının qan yaddaşına qəhrəmanlıq günü kimi əbədi həkk olunan 20 Yanvar
faciəsinin 31-ci ildönümü ilə əlaqədar Sumqayıt şəhər ictimaiyyəti şəhidlər
xiyabanını ziyarət edib.
Xeberle.com xəbər verir ki, saat 12:00-da şəhərdə bir dəqiqəlik sükut olub və
Azərbaycan şəhidlərinin ruhu ehtiramla yad edilib.
Şəhər icra hakimiyyətinin başçısı Zakir Fərəcov,
Milli Məclisin deputatları, hüquq-mühafizə orqanlarının əməkdaşları, idarə,
müəssisə və təşkilat rəhbərləri, ictimaiyyət nümayəndələri, Şəhidlər
xiyabanında Azərbaycanın azadlığı uğrunda şəhid olanların xatirəsinə ucaldılan
abidəni və Vətənimizin qəhrəman övladlarının məzarlarını ziyarət
ediblər.Sumqayıt Cümə Məscidinin axundu şəhidlərin ruhuna dua oxuyub.
1990-cı ilin yanvar hadisələri zamanı
Sumqayıt-Bakı magistral yolunun 24-cü kilometrliyində, Ceyranbatan qəsəbəsi
ərazisində şəhid olmuş sumqayıtlı alimlər – İbrahim İbrahimovun, İsmayıl
Mirsaqulovun və Svetlana Məmmədovanın xatirə abidəsi də ziyarət edilib. Xatırladaq ki, sovet ordusuna məxsus
zirehli texnika alimlər işdən Bakıya qayıdan zaman onların olduğu avtomobilini
əzərək üstündən keçmişdir. Hadisə nəticəsində hər üç alimimiz amansızcasına
qətlə yetirilmişdir.
Xəbərdən istifadə edərkən istinad etmək vacibdir.
