Sumqayıt şəhər Polis İdarəsinin əməkdaşları
şəhər ərazisində xidmət aparan zaman,
repetitor fəaliyyəti ilə məşğul olan şəhər sakini Raqif Mərdanovun karantin qaydalarını pozması halı
aşkar edilib.
Xeberle.com-un məlumatına görə, həmin
şəxsin şəhərin 1-ci mikrorayonunda 1 otaqlı mənzil
kirayə götürərək repetitor fəaliyyəti
ilə məşğul olduğu müəyyən edilib. Həmin mənzilə keçirilən baxış zamanı R. Mərdanovun 28 nəfər şagirdlə bir otaqda
dərs keçməsi məlum olub.
Polis əməkdaşları tərəfindən R. Mərdanovun törətdiyi
qanunazidd hərəkətin qarşısı alınıb, yeniyetmələr isə ailələrinə təhvil
verilərək, valideynlərə övladlarının səhhəti ilə bağlı münasibətdə məsuliyyətli
olmağı, sanitar-karantin rejiminin tələblərinin yerinə yetirilməsi barədə
xəbərdarlıq edilib.
R. Mərdanov
barədə Sumqayıt şəhər Polis
İdarəsində qanunamüvafiq tədbir görülüb.
Xəbərdən istifadə edərkən istinad etmək vacibdir.
