Güclü külək bölgədə fəsadlar yaradıb.
Güclü külək bəzi Mərkəzi Aran rayonlarında problem yaradıb. İstiPress-in Aran bürosunun məlumatına görə, külək Bakı-Şamaxı-Yevlax magistralının Ağdaş rayonu ərazisindən keçən hissəsində irigövdəli ağacı kökündən çıxararaq yola aşırıb. Nəticədə ikitərəfli yolda avtomobillərin hərəkətində problem yaranıb. Ağdaşın Arabir kəndində də fəsadlar var. Güclü küləyin təsirindən kənd ərazisindəki istixanalar yararsız hala düşüb. Elektrik təsərrüfatında qırılmalar meydana gəlib.
Göyçay rayonunda da küləyin təsirindən elektrik naqilləri qırılıb. Bəzi binaların dam örtüyü uçub. Rayon mərkəzi də daxil olmaqla əksər ərazilərdə işıq yoxdur. Rayonun rabitə və elektrik təsərrüfatı demək olar ki, iflic olub.
Xəbərdən istifadə edərkən istinad etmək vacibdir.
