29 dekabr 2024cü il tarixində şəhərimizin mədəni və intellektual həyatında önəmli bir hadisə baş verdi. Şəhərin mərkəzində yerləşən yeni kitab və yaradıcılıq məkanı rəsmi olaraq fəaliyyətə başladı. Açılış tədbirində Sumqayıt Şəhər İcra Hakimiyyətinin nümayəndələri, ziyalılar və şəhər sakinləri iştirak edərək mədəniyyətə verilən bu töhfəni yüksək qiymətləndirdilər.
Məkan zəngin kitab kolleksiyası və yaradıcı ab-havası ilə qonaqları heyran edib.
Amılış mərasimində vurğylanıb ki, bu mərkəz yalnız oxucular üçün bir görüş yeri deyil, həm də bilik və yaradıcılığı təşviq edən yeni bir platforma kimi formalaşacaq. Bu cür təşəbbüslərin şəhərin intellektual inkişafına əhəmiyyətli təsir göstərəcəyi, məkanın gənc nəslin yaradıcılıq potensialını üzə çıxarmaq və biliklərlə zənginləşdirmək üçün mühüm bir ilham mənbəyi olacağı qeyd olunub.
Şəhərin mədəni həyatına yeni bir nəfəs gətirən bu məkan yaxın gələcəkdə müxtəlif intellektual və mədəni tədbirlərə ev sahibliyi etməyi hədəfləyir.
Ünvan: Heydər Əliyev prospekti 233d
Xəbərdən istifadə edərkən istinad etmək vacibdir.
