İlkin Həsəni “Bozbash Pictures”in bağlanmasını təsdiqləyib.
Ölkənin ən sevilən, ən baxımlı, ən çox güldürən layihəsi “Bozbash Pictures” artıq sona yetdi.
En son bölümlərini Bodrumda çəkən komanda artıq Bakıdadır.
Bodrumda baş tutan final bölümündə sizi çox maraqlı anlar gözləyir. Sevilən və yaraşıqlı aktyorlar İlkin Həsəni (Şəmi), Ramil Babayev (Şöşü), Elşən Orucov (Fəlakət), Azər Baxşəliyev (Ağsaqqal) və Nicat Rəhimov (Şirin) öz sevənləri ilə “Bozbash Pictures”də sağollaşacaqlar.
Bu xəbər çoxlarını məyus etsə də layihə rəhbəri İlkin Həsəni “Bozbash Pictures”in bağlanmasını təsdiqləyib. Yeni mövsümdə nələr olacağını gizli saxlayan aktyor və aparıcı İlkin tamaşaçıları sürprizlər gözlədiyini açıqlayıb. Həsəni qeyd edir ki, bir həftəlik istirahətdən sonra “Bozbash Pictures” komandası çəkilişlərə başlayır, amma bu çəkilişlər nədən ibarətdir, bunu yaxın zamanda sizə açıqlayacağıq. Onu da qeyd edək ki, İlkin Həsəni müəllifi olduğu yeni layihəsi ilə yeni mövsümdən ekranlara qayıdacaq.
Xəbərdən istifadə edərkən istinad etmək vacibdir.
