Azərbaycanlı müğənni 52% səs yığıb.

Vaqif Nağıyev dünya şöhrətli “Qolos” yarışmasının Ukrayna versiyası “Qolos krayni” yarışmasının finalında çıxış edib.

Oxu.Az xəbər verir ki, iyunun 1-də “Qolos krayni” layihəsinin birbaşa efiri keçirilib. 

İştirakçılardan biri 18 yaşlı Vaqif Nağıyev olub, onun ulduz ustadı – Gürcüstan və Rusiyanın xalq artisti Tamara Qvartiselidir. Finala yalnız bir addım qalmış Vaqif Nağıyev televiziya tamaşaçılarının hüzuruna “La cavatina di Figaro” mahnısı ilə çıxıb.

Tamaşaçıların səsverməsi nəticəsində azərbaycanlı müğənni 52% səs yığıb, amma Tamara Qvartiseli öz səsini başqa cür müəyyənləşdirib. Vaqif Nağıyevə 40%, onun rəqibi Mixaylo Mirkeyə isə 60% verib. Səslərin toplanması zamanı Mixaylo Mirke finala vəsiqə alıb, Vaqif Nağıyev isə finala bir addım qalmış “Qolos” yarışmasında iştirakını dayandırıb.

Xatırladaq ki, Müslüm Maqomayevin “Mavi əbədiyyət” mahnısını ifa edən 18 yaşlı  azərbaycanlı müğənniyə bütün münsiflər heyəti – Sergey Lazerev, Ani Lorak, Tamara Qvertiseli və Svyatoslav Vakarçuk səs vermişdi.

V.Nağıyev iştirakını Gürcüstan və Rusiyanın xalq artisti Tamara Qvartiselinin komandasında davam etdirirdi. Müsahibədə iştirakı zamanı o, vokal “döyüşünü”, “nokaut” və birinci birbaşa efirdə qalib gələrək yarımfinala çıxmışdı.