Azərbaycan Yazıçılar Birliyinin "Natəvan" klubunda Azərbaycan, Gürcüstan və Rusiya Yazıçılar Birliyinin üzvü, jurnalist, şair-tərcüməçi, Giya Raçxataşviliyə həsr olunmuş kitabın təqdimatı oldu.
Xeberle.com xəbər verir ki, tədbiri Azərbaycan Yazıçılar Birliyi sədrinin müavini, Azərbaycan Mətbuat Şurasının sədri Rəşad Məcid açaraq, Giya Raçtaxaşvili yaradıcılığından danışdı. Sonra sözü tədbirin təşkilatçısı və aparıcısı, AYB-də Multikultural məsələlər üzrə məsul şəxs, şair Xatirə Fərəcliyə verdi.
Xatirə Fərəcli qonaqları salamladıqdan sonra, bir dəqiqəlik sükutla şəhidlərimizin əziz xatirəsi yad edildi. AYB-nin Bədii-Tərcümə və Ədəbi Əlaqələr Mərkəzinin sədri Əsəd Cahangirin çıxışından sonra söz kitabın müəlliflərinə - Azərbaycan radiosunun veteran əməkdaşı, Respublikamın Əməkdar jurnalisti Qənbər Ağayevə və tədqiqatçı-alim, filologiya elmləri doktoru, professor Nizami Tağısoya və kitabın rəssamı şair-rəssam Sehran Allahverdiyə verildi.
Tədbirdə iştirak edən söz adamları və media nümayəndələri - Respublikasının Xalq artisti Erdost Bayram, Əməkdar artist, şair Nazir Rüstəmov, qəzəlxan-şair Mahcamal Babayeva, jurnalist, yazıçı, tənqidçi Zemfira Məhərrəmli, AYB-də Poeziya seksiyasının rəhbəri, şair İbrahim İlyaslı, I Qarabağ müharibəsi qazisi, istefada olan polis mayoru Aidə Şirinova, Şəhid Rauf İbadovun atası Məhərrəm İbadov, şair-yazıçı Südabə Sərvi, Gözdən Əlillər kitabxanasının əməkdaşları Zəkəriyyə Qurbanov və Nazlı Əliyeva, Qazax Xeyriyyə Cəmiyyətindən Zaməddin Ziyadoğlu, Xalq şairi Nəbi Xəzrinin oğlu Arzu Babayev, şairlərdən Arzu Nehrəmli, Aləmzər Sadıqqızı, "Bütöv Azərbaycan” qəzetindən Tamxıl Ziyəddinoğlu, "Yeni təfəkkür” qəzetindən Əməkdar jurnalist Şəmsiyyə Kərimova Giya bəyin həyat və yaradıcılığından danışmaqla yanaşı, onun insani keyfiyyətlərindən, həyata baxışından da söz açdılar.
AYB-də çalışan məsul şəxslərdən Rauf Aslanov, Arifə Əliyeva, Xəyal Rza, həmçinin, tanınmış ziyalılarımızdan Zahir Məlikli, Mehriban Abdullayeva, Yaqoob Usuli və həyat yoldaşı Arzu xanım (Cənubi Azərbaycandan), Pərvanə Muradova, Nuradə Kərimova, Xəqani Abbasəli, Etibar Qərib, Rəfail İncəyurd, Bayram Aşıqlı, Qabil Nabi, Nüyvər Şərifova, Rəfiqə Abbasova, Nəsrəddin Musayev, Cəbrayıl Qənbər, Pünhan Şükür, Hafiz Rüstəm, Nəzakət Kərimova, Fərman Bədəlov, Nəsib Abid, Rafiq Akif, Xəzər Vəziroğlu, Aynurə Ulduz, Çinarə İsa, Alıcan İsgəndərli, Elşən Namiq, Elza Gülməmmədova, Surxay Məhərrəmoğlu tədbirdə iştirakları ilə şairə mənəvi dəstək oldular, Giya bəyin ömür-gün yoldaşı rəssam Xatirə Raçxataşviliyə və günün qəhrəmanına, bir ömür boyu xoşbəxtlik diləyi ilə, ən xoş arzularını bildirdilər.
Beləcə, Giya dünyasının sehrinə düşən giyasevərlər tədbirdən xoş təəssüratla ayrıldılar.
Aygün Hacıyeva,
AJB, AYB və AAB-nin üzvü.
Xəbərdən istifadə edərkən istinad etmək vacibdir.
