Sumqayıt şəhər Mərkəzi uşaq kitabxanası 38 saylı tam orta məktəbdə XX əsr Azərbaycan poeziyasının görkəmli nümayəndəsi, şair-qəzəlxan Əliağa Vahidin 120 illik yubileyi ilə əlaqədar "Füzuli ənənələrinin davamçısı” adlı ədəbiyyat saatı keçirib. Tədbirin aparıcısı Mərkəzi uşaq kitabxanasının multimedia mütəxəssisi Nəzakət Əliyeva əvvəlcə Əliağa Vahidin yaradıcılığının əsas məziyyətlərindən, qəzəl janrının ənənəvi klassik xüsusiyyətlərinə riayət etməklə bərabər sadə, xalq danışıq tərzinə yaxın yazı üslubu ilə ədəbiyyata yeni nəfəs gətirməsindən, publisistik fəaliyyətindən söhbət açıb, şairin əsərlərindən ibarət "Qəzəldə yaşayan ömür” adlı sərgidə nümayiş etdirilən kitablar haqqında qısa xülasə ilə tədbir iştirakçılarını tanış edib. 38 saylı tam orta məktəbin yeddinci sinif şagirdlərindən Ləman Yusifli, Aydan Mikayılova, Gözəl Cəfərzadə, Fidan Bəxtiyarova, Fatimə Şahmuradova, Jalə Məmmədli şairin qəzəllərindən nümunələr söyləmiş, Gözəl Cəfərzadə, Aydan Mikayılova isə Ə.Vahidin sözlərinə bəstələnmiş "Gözlərin”, "Vətən yaxşıdır” mahnılarını ifa ediblər.

Sonda tədbir iştirakçıları şairin həyat və yaradıcılığından bəhs edən "Qəzəlxan” filmindən parçalara tamaşa ediblər.
Xeberle.com