Sumqayıtda yaşayan şair Sabir Yusifoğlu şeirlərini satmaq
qərarına gəlib. Xeberle.com xəbər verir
ki, bu barədə S. Yusifoğlu şəxsi "Feysbuk” profilində yazıb. Şair yazdığı statusda səhhətiylə bağlı işləmədiyini qeyd edib və şeirlərini satıb sağlamlığını bərpa etmək istəyir.
S. Yusifoğlunun
statusunu olduğu kimi təqdim edirik:
"AĞRILI OLSA DA...
Tam rəsmi və səmimi!
Ali təhsilli mühəndisəm. 2000-ciildə Prezidentin fərdi
təqaüdünə layiq görülmüşəm-ədəbiyyat sahəsində. Son vaxtlar səhhətimlə bağlı
işləmirəm (osteoxondroz-duz yığılması. Ağrı, yuxusuzluq, əsəb, təzyiq-daha çox
nəmli, küləkli havalarda) . Keçmişə baş çəkməyə, öz arxivimdə eşələnməyə
bolluca vaxtım oldu...
Və bir neçə kitablıq heç harda getməyən şeirlərimə bir daha baxdım.
İmkanlı birisinə bu şeirlər şöhrət gətirə bilər. Mən isə sağlamlığımı bərpa
edərəm. Qısası: o yazıları satıram. İstənilən redaktə də mənlik.
Məxfiliyə(inkoqnito) söz verirəm".
Qeyd edək S. Yusifoğlu gənc yazar Emin Pirinin atasıdır.
Xəbərdən istifadə edərkən istinad etmək vacibdir.
