Sumqayıt şəhərində İnsan Hüquqlarının Tədrisi üzrə Təlim və Resurs Mərkəzinin Ədəbiyyat Klubu yenidən öz fəaliyyətini davam etdirir.

 Klubdan Xeberle.com-a verilən məlumata görə, dünən – 5 yanvar tarixində Fransız yazıçısı Mark Levinin "Bir birimizə demədiyimiz sözlər" əsəri müzakirə olunub.

Tədbiri giriş sözü ilə açan layihənin təşkilatçılarından biri, gənc yazar Aydın Şahid bildirdi ki, belə görüşlərdə əsas məqsəd ədəbiyyata, mütaliəyə marağın artırılmasıdır. Daha sonra tədbir digər təşkilatçı Nigar Nəsimiin moderatorluğu ilə əsərə uyğun olaraq "Sağlam valideyn və övlad münasibətləri necə olmalı?", “"Özgə fikri" sərhədini necə aşmalı?", "Uğurlu karyera və xoşbəxt şəxsi həyat balansını necə qoruyub saxlamalı?",

  "Ailə həyatı qurarkən seçimi necə etməli?" mövzuları ətrafında müzakirəsi ilə davam etdi.

 Tədbirin maraqlı anlarından biri də gənclərin etirafları oldu. Əsərin məğzi əsas anlamı da bir-birimizə demədiyimiz sözləri vaxtında demək devizi idi. Auditoriya iştirakçıları da bir-birilərinə demək istədikləri etiraflarını etdilər.