Xeberle.com-averilən məlumata görə,yYığıncağı giriş sözü ilə açan Azərbaycan Jurnalistlər Birliyi Sumqayıt şəhət təşkilatının sədri, Respublikanın Əməkdar jurnalisti Rafiq Oday qeyd edib ki, hələ sovet donəmində, otən əsrin 80-ci illərində yaranan ədəbi birlik bir sıra gənc yazarların yaradıcılıq yoluna işıq tutub, istedadı ilə seçilən gənclərin yazılarının bir sıra mətbu orqanlarda - qəzet və jurnallarda dərc olunmasına yardımçı olub.

Sonra ədəbi birlik 2000-ci illərin əvvəllərindən başlayaraq, Sumqayıt şəhərində fəaliyyətini davam etdirib və Birlik üzvlərinin bədii nümunələrindən ibarət bir neçə ədəbi almanax nəşr edilərək oxucuların ixtiyarına verilib.

Son dövrlərdə "Dan yeri" Ədəbi Birliyi fəaliyyətini dayandırıb və arada müəyyən fasilə yaranıb.

Vurğulanmışdır ki, müəyyən fasilədən sonra Azərbaycan Jurnalistlər Birliyi Sumqayıt şəhət təşkilatının nəzdində "Dan yeri" Ədəbi Birliyinin fəaliyyətinin bərpa edilməsi haqqında qərar qəbul edilib: "Məqsəd də ondan ibarətdir ki, yenə də eyni missiyanı çiyinlərimizə götürərək, ədəbiyyatın və mətbuatın inkişafına dəstək göstərək, bununla da Azərbaycan ədəbiyyatına və mediasına öz töhfəmizi verək".

Qeyd olunub ki, yaxın gələcəkdə "Dan yeri" Ədəbi Birliyinin bazasında "Dan yeri" Ədəbiyyata və Mediaya (mətbuata) Dəstək İctimai Birliyinin yaradılması nəzərdə tutulur.

Tədbirdə "Manevr.az" MMC-nin baş direktoru, "Dəlidağ" Ədəbi Birliyinin sədri Namiq Dəlidağlı, "Yeganə yol" qəzetinin təsisçisi və baş redaktoru Firdovsi Cəfərxan, şair-publisist, tənqidçi Xaqani Abbasəli Öztürk, tanınmış şair Ələsgər Həsənli, şair-publisist Mədaxil Cavadlı, "Bahar" jurnalının baş redaktoru Ruhiyyə Bahar, "Dəlidağ" Ədəbi Birliyinin sədr müavini, şairə Sevinc Qərib, "Zaman və biz" qəzetinin təsisçisi və baş redaktoru Sübhan Arifoğlu, şair Polad Sabirli, şair-publisist Şərbətəli Mahmudov, "GƏNCƏ böyük hərflə" jurnalının baş redaktoru Elcan Oruclu, "Möhtəşəm Azərbaycan" qəzetinin baş redaktor müavini Mərcan Sabirqızı, həmin qəzetin şöbə müdiri, bədii qiraət ustası Gülnarə Şöhrəddinqızı, ədəbiyyatımızın və mətbuatımızın yaxın dostu, bir sıra mətbu orqanlarda fəaliyyət göstərən Natiq İsmayıloğlu və digər qələm sahibləri çixış edərək məsələ ilə bağlı münasibətlərini bildirib, "Dan yeri" Ədəbi Birliyi fəaliyyətinə uğurlar arzulayıblar.

Birliyin bərpa yığınağında ədəbiyyatımızın və mətbuatımızın hazırkı vəziyyəti haqqında söhbətlər aparılıb, Xaqani Abbasəli Öztürkün son dönəmlərdə qələmə aldığı ədəbi-tənqidi məqalələri və ağsaqqal şairimiz Şərbətəli Mahmudovun şeirləri müzakirə olunub.

Yığıncaqda "Dəlidağ" Ədəbi Birliyi ilə "Dan yeri" Ədəbi Birliyi arasında müştərək tədbirlərin keçirilməsi haqqında razılığa gəlinib.