Bu gün Qabaqcıl Maarif Əlaçısı, "Tərəqqi” medallı pedaqoq, şair-publisist, dramaturq Əvəz Mahmud Lələdağın 85 yaşı tamam olur.
Xeberle.com xəbər verir ki, Əvəz Mahmud Lələdağ 1935-ci ildə Ermənistan SSR-i Sisian rayonunun Ağsu kəndində kolxozçu ailəsində anadan olub. İbtidai təhsilini öz doğma kəndi Ağdü orta məktəbində alan Əvəz Mahmudov 1953- cü ildə ADPXD- (Azərbaycan Dövlət Pedaqoji Xarici Dillər) institutunun alman dili fakültəsinə daxil olub. Ali məktəbdə təhsil aldığı müddətdə komsomol təşkilat katibi vəzifəsində çalışıb.
Təhsilini başa vurduqdan sonra öz doğma kəndində əmək fəaliyyətinə başlayıb. 1972 –ci ildən Sumqayıt şəhərində yaşayır. Müxtəlif məktəblərdə direktor müavini və 6 №-li, 13-№-li, 25- №-li məktəblərdə direktor vəzifəsində çalışıb. 1989 -1995- ci illərdə Sumqayıt şəhər təhsil həmkarlar ittifaqının sədri seçilib. Azərbaycan Yazıçılar Birliyi, AİB və Azərbaycan Aşıqlar birliyinin üzvüdür. Sumqayıt şəhərində YAP-ın ilk təşəbbüskarı olub, 1993-cü ildən YAP idarə heyətinin üzvüdür.
Dövlət tərəfindən bir çox mükafatlara, fəxri fərmanlara və başqa mükafatlara layiq görülüb.
Ə. M. Lələdağın "El yada düşdü”, "Dağlar marala qaldı”, "Ömür payı”, "Sinəsi dolu nənəm”, "Ağ dovşanın nağılı”, "Ömürdən qalan izlər”, "Dünya, hara gedirsən?”, "Səni gözləyirəm”, "Bizi deyib gəlmə, Mirzə”, "Yaddan çıxmaz günlərim”, "Analı dünyam”, "Ümumbəşəri bəla - erməni xəstəliyi”, "Dağlar, gözləyin məni”, "Bu dünyaya könül verdim” və digər kitabları oxucuların dərin rəğbətini qazanıb.
Xəbərdən istifadə edərkən istinad etmək vacibdir.
