Sumqayıtda Milli Kitab Sərgisi keçirilib.
Xeberle.com-un məlumatına görə, açıq havada Sumqayıt Şəhər İcra Hakimiyyətinin, Sumqayıt Regional Mədəniyyət İdarəsinin, Azərbaycan Yazıçılar Birliyinin və "Qanun” Nəşrlər Evinin təşkilatçılığı ilə keçirilən sərgidə çıxış edənlər nəşriyyat-informasiya sahəsinə dövlət qayğısından, həmçinin cəmiyyətin mədəni, intellektual, iqtisadi inkişafında və savadlı gəncliyin yetişməsində kitabın, mütaliənin vacibliyindən söhbət açıblar.
İki gün davam edən sərgidə 30-dan artıq nəşriyyat, 10-dan çox kitab evi iştirak edib və kitablara 50%-dək endirim tətbiq olunub.
100 mindən artıq kitabın satış üçün təqdim edildiyi sərgidə "Qarabağa kitabla gedək” stendində işğaldan azad olunan regionlarımızda yaradılacaq kitabxanalar üçün kitablar toplanılıb.
Xəbərdən istifadə edərkən istinad etmək vacibdir.
