Dekabrın 28-dən etibarən valyuta satışına müəyyən məhdudiyyətlər tətbiq ediləcək.
Cebhe.info xəbər verir ki, Rusiyada tətbiq olunacaq yeni qaydalarla bağlı valyutadəyişmə məntəqələrinə, banklara xəbərdarlıq edilib. Bu zamana qədər valyuta dəyişmə məntəqələrində ancaq pasport göstərməklə əməliyyat aparmaq mümkün olurdu. İndi isə 15 min rubldan artıq dəyərdə valyuta alındığı zaman bütünlüklə identifikasiyadan keçmək tələb olunacaq. Bankın xidmətindən istifadə edən hər kəs anket doldurmaq məcburiyyətində qalacaq. Ekspertlərin sözlərinə görə, yeni qaydaların tətbiqindən sonra banlklara valyutadəyişmə məntəqəsi saxlamaq əhəmiyyətsiz olacaq. Müştəri ona təqdim edilən anketdə ad-soyad, vətəndaşlıq, doğum tarixi, sənədin rekvizitləri, şəxsiyyətin təsdiqi, yaşadığı, yaxud qeydiyyat ünvanı kimi suallara cavab verməlidir. Bu məlumatları verməyən adama dollar və digər valyutaların satışı qadağan ediləcək.
Xəbərdən istifadə edərkən istinad etmək vacibdir.