Qaçqın və məcburi köçkünlərin mənzil şəraitinin
yaxşılaşdırılması üçün ölkə rəhbərliyinin verdiyi tapşırıqlar Sumqayıt şəhərində
uğurla icra olunur.
Bu barədə Xeberle.com-a Sumqayıt şəhər İcra
hakimiyyətindən məlumat verilib.
Bildirilir ki, Sumqayıt şəhərində məskunlaşmış
məcburi köçkünlər üçün 12-ci mikrorayonda 936 mənzildən ibarət yaşayış
binalarının tikintisinə 2,8 hektar torpaq sahəsi ayrılıb. Hazırda həmin ərazidə
evlərin tikintisi davam etdirilir: "Kompleksin tikintisi başa çatdıqdan
sonra şəhərin uşaq bağçalarında 200-dən artıq qrup və 120 yardımçı otaq
boşalacaqdır. Bu da 3000-dən çox uşağın bağçalara əlavə qəbul olunması və ya təqribən
15 yeni bağçanın tikintisi deməkdir."
Elnarə Salamova
Xeberle.com
Xəbərdən istifadə edərkən istinad etmək vacibdir.
