Sumqayıtda avtomobillər üçün nəzərdə tutulan və "Şərq Bazarı” dairəsi kimi tanınan yol bağlanıb.
Xeberle.com-un verdiyi məlumata görə, Zülfi Hacıyev küçəsindən Üzeyir Hacıbəyov küçəsinə doğru hərəkət edən yola, yəni Şərq bazarı dairəsinə giriş məhdudlaşdırılıb və ərazinin hər iki hissəsində "Giriş qadağandır” yol nişanı qoyulub.
Məsələ ilə bağlı Sumqayıt Polis İdarəsinin Dövlət Yol Polisi Şöbəsi ilə əlaqə saxladıq. Şöbədən saytımıza verilən məlumata görə, həmin dairənin tamamilə ləğv edilməsi və piyadalar üçün səki salınması nəzərdə tutulub:
"Dairənin avtomobillər üçün bağlanması ərazidə hərəkətin intensivliyi və başverən qəzalarla bağlıdır. Həmin dairənin tamamilə ləğv edilməsi və piyadalar üçün səki salınması nəzərdə tutulub. Sürücülər yolun digər hissəsinə keçmək üçün yaxınlıqda olan digər yol dairəsindən istifadə edə bilərlər”.
Qeyd edək ki,əgər sürücülər bu qaydanı pozarsa, 40 manat məbləğində cərimə olunacaqlar.
Elnarə Salamova
Xeberle.com
Xəbərdən istifadə edərkən istinad etmək vacibdir.
