Sumqayıtın bir məhəlləsi bir həftədir ki, susuzdur.
Xeberle.comxəbər verir ki, Sumqayıt şəhəri Yaşıldərə
qəsəbəsində minlərlə əhali günlərdir ki, susuz qalıb. Səbəb ərazinin yaxınlığından keçən dəmiryolu
xəttində aparılan quraşdırma işləridir.
Sumqayıt
şəhər Sukanal idarəsinin rəis müavini
Qurban Mikayılov Xeberle.com-a bildirib ki, ərazidən keçən su xətləri dəmir
yolunda bərpa təmir işləri zamanı zədələnib: "Yenidən bərpa etməyə
çalışsaq da xətlərin çox köhnə olması
buna imkan vermədi. Ona görə də 150 kilometrlik məsafəsi olan ərazidə şəbəkəni
yeniləmək qərarına gəldik. Bir həftədən çoxdur ki,
ərazidə su problemi yaşanır. Hazırda
idarənin işçiləri gücləndirilmiş iş rejimində işləyir və çalışacayıq ki, 29
sentyabr tarixində Yaşıldərə yaşayış
massivinin bir hissəsində su təminatı bərpa edilsin. İki -üç gün ərazində isə yaşayış massivi fasiləsiz
olaraq içməli su ilə
tam təmin olunacaq".
Xədicə Səxavətqızı
Xeberle.com
Xəbərdən istifadə edərkən istinad etmək vacibdir.
